تدوينة فيسبوكية: نفسي أعمل برنامج ساخر .. أسخر فيه من نفسي .. ومن الصديق ومن العدو (لبات الرشيد)

عبداتي لبات الرشيد:

نفسي أعمل برنامج ساخر .. أسخر فيه من نفسي .. ومن الصديق ومن العدو .. من المسؤول ومن المواطن ..

واقعنا أصبح مسخرة حقيقية .. تناقضات .. إنقلاب في الرأي .. جدالات عقيمة ما ألهاش ستين لازما .. قراءات تافهة .. وعود ونكث بالوعود .. بيع وتصدير أوهام .. تتكلم تندم .. تسكت تندم ..

وهذا الواقع ما يفريها فيه ماهو برنامج ساخر .. فعلى الأقل تضحك الناس منين ما أحصل شي .. إذا كانت مقولة الويل منين يكثر إعود إظحك صحيحة..

الناس ماشيا جايا .. أتسول واحد انت منين قايس إقولك أثري عارفوا ماشي أنبدل الجو وتوف .. الناس الدور وتزقنن لا هم دنيا لا هم آخرة .. ألي رافد بطة وألي مشرجي وت .. ألي رافد خنشة أعلا ظهروا وألي مشرجي كميون يسبقوا .. ألي مطيب طويجينة فسطلة داخل بوتيگو وألي شاوي ذبيحة فطريگو .. باساجا ماشيا ..

باساجا جايا .. بطاطا داخلا وبطاطا خارجا .. كلها ماشي إكلم نفسوا وحدوا .. تسول واحد انت ياك ما أمكدر أعليك شي إقولك مانلا .. أتقولوا مانك ناشط زاد إقولك ما شفت شي إنشطني .. إشوفك تظحك إقولك انت شمظحكك .. اتكشر إقولك انت يا خيي اليوم مقدج .. تظحك وأتكشر إقولك انت مانك واضح ..

وهكذا هي حياتنا .. لا ينقصها إلا برنامج ساخر .. ليتحول الواقع الى واقع قابل للتعايش معه مادام تغييره هو ثامن المستحيلات ..

ومحدش فاهم حاجا ..